Skapandi æfingar í þjálfun

Rannsókn Gartner fyrirtækisins sýndi að 70% starfsfólks telur sig vanta meiri færni í starfi. Það þarf ekki að fjölyrða um það að persónuleg færni starfsfólks  verður stöðugt mikilvægari þegar gervigreind, róbótatækni og önnur sjálfvirkni tekur yfir fleiri og fleiri störf. Þörfin fyrir færni á sviði félags- og tilfinningagreindar í Evrópu mun aukast um 32% næsta áratug samkvæmt McKinsey- ráðgjafafyrirtækinu. Rannsókn hjá Hart Research Associates sýndi að 93% vinnuveitenda töldu að færni umsækjanda í gagnrýninni  hugsun, skýrum samskiptum og lausn flókinna mála vegi þyngra en sú háskólagráðu sem viðkomandi hefur lokið.

Í handbókinni  Skapandi æfingar í þjónustuþjálfun nýttum við Sigrún Jóhannesdóttir hálfrar aldar reynslu okkar við námskeiðahald, kennslu og hönnun á náms- og þjálfunarefni. Æfingarnar í handbókinni eru mikilvægar til að koma ekki bara þekkingu og upplýsingum á framfæri heldur virkja starfsfólk á námskeiðum og efla mikilvæga þætti í persónulegri færni þeirra.  Ef rýnt er í myndina hér að neðan má sjá að æfingarnar þjálfa á einn eða annan hátt 8 af 10  þáttum í persónulegri færni sem spáð að þörf sé á vinnumarkaði (top 10 job skills). Auk þess að þjálfa leiðbeinendur í að nota þessar æfingar markvisst í eigin fyrirtækjum þá má segja að þær séu fastur liður í okkar eigin námskeiðahaldi.

Heimild: Future of Jobs Report, 202, World Economic Forum

Æfingarnar í handbókinni eru flokkaðar á eftirfarandi hátt:

A.  Viðhorfsæfingar (e. attitude, bias)

Þessar æfingar þjálfa fólk í að þekkja, bregðast við og skilja eigin viðhorf. Hæfni sem þjálfast er m.a.:

• Sjálfsþekking varðandi eigin fordóma og siðagildi
• Greina og takast á við siðaklemmur í starfinu
• Tjáning um starfið og aðstæður
• Ræða á faglegan hátt með tilvísun í starfsreglur og fyrirtækjamenningu
• Rökstyðja og finna lausnir

Mjög mikilvægt er að þátttakendur ræði eigin viðhorf og hvort þau gagnist í starfinu. Úrvinnslan á eftir æfingunni sjálfri er mikilvægur þáttur í þjálfuninni.

B.   Hlutverkaæfingar (e. role playing)

Þessar æfingar þjálfa hæfni í að lifa sig inn í aðstæður og sjónarhorn viðskiptavina og samstarfsfólks.

Hæfni sem þjálfast er m.a.:

• Greiningar- og tjáningarhæfni um starfið og aðstæður
• Skilningur á aðstæðum og viðbrögðum viðskiptavina og samstarfsfólks
• Samkennd sem auðveldar úrlausnir og bætir þjónustuviðmót
• Sjálfstraust
• Gagnrýnin og skapandi hugsun
• Heildarsýn
• Hópefli

Mjög mikilvægt er að þátttakendur lifi sig inn í aðstæður þess einstaklings sem verið er að leika. Úrvinnslan á eftir æfingunni sjálfri með umræðum og lýsingum á hvernig leikendur upplifðu aðstæðurnar er mikilvægur þáttur í þjálfuninni.

C.   Lausnaæfingar og skapandi hugsun (e. problem solving)

Þessar æfingar þjálfa hæfni í að leysa verkefni í hópi og ljúka þeim á farsælan hátt innan ákveðins tímaramma. Hæfni sem þjálfast er m.a.:

• Skapandi hugsun við lausn verkefna, jafnvel að hugsa út fyrir boxið
• Samvinna
• Samskipti
• Samkennd
• Samhæfing
• Tjáning
• Leiðtogahæfni
• Frumkvæði
• Skipulag