Í frístundastarfi á Seltjarnarnesi starfa rúmlega 20 manns, flestir í hlutastarfi.  Þriðjungur hópsins starfar sem stuðningur við grunnskólann fyrir hádegi og í frístund eftir hádegi.  Aðrir starfsmenn eru flestir námsmenn og starfa í hlutastarfi með námi.  Starfsmannavelta er lítil og andinn almennt góður.  Undanfarna mánuði hefur starfsemi frístundar verið hólfaskipt vegna covid.  Starfsmannahópurinn hefur því ekki haft tök á að hittast jafn mikið og fyrri ár.  Til að efla liðsandann og þétta hópinn í þessum sérkennilegu aðstæðum fengum við ,,Gerum betur“ til að halda fyrirlestur um framkomu við viðskiptavini og hvert annað.  Það er skemmst frá því að segja að námskeiðið sló alveg í gegn.  Einn hafði meira að segja á orði ,,þetta er besta námskeið sem við höfum farið á“.  Á námskeiðinu var mikil áhersla lögð á áhrif líkamstjáningu okkar á annað fólk og orðanotkun í samskiptum.  Þegar þessi orð eru skrifuð eru liðnir tveir mánuðir frá því námskeiðið var haldið og varla líður sú vika að ekki sé vitnað í námskeiðið og hvað starfsmenn lærðu af því.  Ég mæli heils hugar með námskeiði hjá Gerum betur fyrir fyrirtæki og stofnanir sem vilja gera enn betur.

2. mars 2021.

Hólmfríður Petersen, forstöðumaður frístundastarfs.