Litlu atriðin í samskiptum vega þungt í að skapa ánægjulega upplifun gesta. Þótt gestir komi til að borða þá er enginn vafi á því að það er þjónustan og samskiptin sem ráða því hvort gestir verða tryggir viðskiptavinir og mæli með staðnum. Hvort sem þú ert að þjóna á veitingastað, kaffihúsi eða skyndibitastað þá hefur þjónustan gríðarlega mikil áhrif á hvort gestir heimsæki staðinn aftur eða ekki. Á námskeiðinu er sýnt úr glænýju kennslumyndbandi* áhrifaríkar aðferðir í samskiptum við gesti frá því þeir koma og þar til þeir eru kvaddir. Ef þú tileinkar þér þessar aðferðir þá verður upplifun gestanna ánægjulegri og starf þitt skemmtilegra.
Markmið:
- Læra og meðtaka hvaða samskipti gestir upplifa að eru árangursríkust.
- Skilja hvað rétt sölutækni getur aukið upplifun gesta.
- Kunna hvernig á að bregðast við þegar mistök verða.
- Auka öryggi í starfi. starfsánægju og minnka starfsmannaveltu.
Til að panta námskeið og/eða kaupa kennslumyndbandið* fyrir eigin þjálfun innanhúss þá hafið samband: gerumbetur@gerumbetur.is eða 8998264
*Umsögn um kennslumyndbandið frá einum reyndasta kennara hérlendis í framreiðslu: Kemur vel út, þarna eruð þið að taka á svo mörgum þáttum sem koma upp við framreiðslu til gesta & samskiptum. Heilt yfir skýrt og spot on á ákveðna þætti. Vel gert! Hallgrímur Sæmundsson, kennari í MK
*Innanhúss námskeið ef kennsluefnið er keypt: Ef farið er í gegnum ferla, vinnuleiðbeiningar, staðla, gæðahandbók o.fl. má gera ráð fyrir að námskeið per kafla sé a.m.k. ein klst.
Kennsluefnið samanstendur af 11 sjálfstæðum köflum með samantekt í lok hvers og eins.
- Þú ert andlit veitingastaðarins
- Taktu vel á móti gestum
- Þekktu mat- og vínseðilinn
- Fyrsta pöntunin er fordrykkur
- Svaraðu aldrei “Ég veit það ekki”
- Helltu víni faglega í glösin
- Meðhöndlun kvartana
- Láttu ekki gestina vera með tóm glös
- Bjóddu eftirréttaseðil og/eða kaffi
- Leystu faglega úr greiðsluvanda
- Endaðu heimsóknina á faglegu nótunum